صفحات

ہفتہ، 30 اپریل، 2016

16۔ اپنی مریم کا جنازہ دیکھ کر

درعدن ایڈیشن 2008صفحہ34

16۔ اپنی مریم کا جنازہ دیکھ کر


الٰہی کس دلہن کی پالکی ہے
ملائک جس کو آئے ہیں اٹھانے

بصد تکریم جاتے ہیں جلو میں
فرشتے چادرِ انوار تانے

ہزاروں رحمتوں کے زیرِ سایہ
دعاؤں کے لئے بھاری خزانے

ہمارے گھر کی زینت جا رہی ہے
بساطِ گلشنِ جنت سجانے

''دلہن'' دولہا سے رخصت ہو رہی ہے
بلا بھیجا ہے ربِّ دو سرا نے

''محبت'' تھی مجسم میری مریم
چلی ہے پیار خالق سے بڑھانے

دل مہجور راضی ہو رضا پر
ترا چاہا نہیں چاہا خدا نے

''الفضل''10مارچ1944ء


کوئی تبصرے نہیں:

ایک تبصرہ شائع کریں