اشکوں کے چراغ ایڈیشن 2011  صفحہ573۔574

396۔ اَگّے اَگ، پچھے پرچھانواں، کدھر جا نواں

اَگّے اَگ، پچھے پرچھانواں، کدھر جا نواں

مَیں کَلّی میرا یار اکلا، اُڈ جا کانواں

ادّھی راتیں ونجیں ہاتھیں ہنجو لشکن

تُلا پرانا، میں اَن تارُو، ڈُب نہ جا نواں

سوہنا جا پجّا سرکارے دُھر دربارے

اینویں بیٹھی اوسیاں پانواں جی پرچانواں

سوہنا جے سُفْنے وچ بُھل کے پھیرا پاوے

واری واری جانواں جنڈری گھول گھمانواں

نہ کوئی ساتھی نہ کوئی سنگی، کلّم کلّی

کیہنوں زخم وکھانواں، کیہنوں حال سنانواں

کملیاں وانگر بِٹ بِٹ تکّاں، بول نہ سکاّں

کیہہ دسّاں، کیہہ دَسْدیاں جھکاں، کیوں شرمانواں

لُک چُھپ کے کوئی کرے اشارے عشق منارے

تارا وی پَیَا سینتاں مارے ٹانواں ٹانواں

مَیں کملی، کمزور، نمانی، اوگن ہاری

در اوہدے تے روندی جانواں، ہسدی آنواں

مَیں ڈاہڈے دی گولی، اوہنوں میریاں شرماں

ایویں پئی کرلانواں، ایویں پئی گھبرانواں

بگّی ریت بریتے بگے سجےّ کھبّے

ایدھر محل اُساراں مضطرؔ ایدھر ڈھانواں

چوہدری محمد علی مضطرؔعارفی

http://urdu.goldenpoems.com/

http://urgoldenpoems.blogspot.com/

https://www.facebook.com/urdu.goldenpoems/