حصہ پنجابی

اشکوں کے چراغ ایڈیشن 2011  صفحہ559

385۔ اکّھاں دی رکھوالی رکھ

اکّھاں دی رکھوالی رکھ

عینک بھانویں کالی رکھ

جیویں رات ہَنیری اے

دل دا دِیوا بالی رکھ

اُتوں راون نچّن دے

وچّوں رام دوالی رکھ

غُصّہ، گلّا، کام، کرودھ

اینے سپ نہ پالی رکھ

اِکّو یار ناں یاری لا

دشمن پینتی چالی رکھ

چناّں دل دیاں گلّاں نوں

گلّیں باتیں ٹالی رکھ

مضطرؔ! منزل آ پُجّی

جوڑی کھول پنجالی رکھ

چوہدری محمد علی مضطرؔعارفی

http://urdu.goldenpoems.com/

http://urgoldenpoems.blogspot.com/

https://www.facebook.com/urdu.goldenpoems/