اشکوں کے چراغ ایڈیشن 2011  صفحہ301

203۔ زلف و رُخ کے اسیر رہنے دے

زلف و رُخ کے اسیر رہنے دے

مفلسوں کو امیر رہنے دے

اک عدو، اک ضمیر رہنے دے

دونوں منکر نکیر رہنے دے

بادشاہت کا اعتبار نہیں

احتیاطاً فقیر رہنے دے

راز تیرے نہ فاش ہو جائیں

میرے دل کو نہ چیر، رہنے دے

عظمتوں کو عظیم تر کر دے

پستیوں کو حقیر رہنے دے

قصّۂ غم دراز ہے مضطرؔ!

رات پہنچی اخیر، رہنے دے

چوہدری محمد علی مضطرؔعارفی

http://urdu.goldenpoems.com/

http://urgoldenpoems.blogspot.com/

https://www.facebook.com/urdu.goldenpoems/